சிவ சிவா: அர்ச்சகர் தேவநாதன் செக்ஸ் லீலை காட்சிகள் நீக்கம்!

‘சிவசிவா’ படத்தில் காஞ்சிபுரம் அர்ச்சகர் தேவநாதனின் செக்ஸ் லீலை தொடர்பான காட்சிகள் இடம்பெற்றதற்கு சென்சார் குழு ஆட்சேபம் தெரிவித்தது.

சிவாஷ் இயக்கியுள்ள இந்தப் படத்தில் நாயகர்களாக குமரன் கார்த்திக், சிவாஷ் ஆகியோரும் நாயகிகளாக சுகானி, நட்சத்திராவும் நடித்துள்ளனர்.

இந்த படம் நேற்று தணிக்கை குழுவுக்கு அனுப்பப்பட்டது. படத்தில் காஞ்சீபுரம் கோவில் செக்ஸ் அர்ச்சகர் தேவநாதன் காட்சிகள் இடம் பெற்றிருந்ததற்கு தணிக்கைக் குழு உறுப்பினர்கள் எதிர்ப்பு தெரிவித்தனர்.

எனவே அந்த வசனங்களை நீக்கிவிட்டு யு சான்றிதழ் அளித்துள்ளனர்.

இதுபற்றி இயக்குனர் சிவாஷ் கூறுகையில், “நாம் சாமி என்று கடவுளையும் கோவில் குருக்களையும்தான் ஒப்பிடுகிறோம். அந்த குருக்களே தப்பாக நடந்து கொள்ளும்போது மனதுக்கு கஷ்டமாக இருக்கிறது. காதல் யாருக்கு வேண்டுமானாலும் வரலாம். அதுவே குருக்களுக்கு வந்தால் சமுதாயம் எப்படி பாதிக்கப்படும் என்பதைத்தான் இந்தப் படத்தில் காட்சிபடுத்தியுள்ளோம்.

இப்படத்தில் அர்ச்சகர் தேவநாதனின் செக்ஸ் லீலைகள் பற்றி இடம் பெற்றுள்ள வசனங்களுக்கு தணிக்கை குழுவினர் ஆட்சேபம் தெரிவித்து நீக்கிவிட்டனர். வேறு என்ன சொல்வது?” என்றார்.