பெண்களுக்கு பிடிக்கும் ஆண்கள்!.

யில் printபிரதி
பெண்களுக்கு பிடிக்கும் ஆண்கள்!.
பெண்களை புரிந்து கொள்வது என்பது ஆண்களுக்கு சற்று குழப்பமாகவே உள்ளது. எந்த நேரத்தில் என்ன நினைக்கிறார்கள் என்று பல ஆண்களுக்கு தெரியவில்லை.பெண்களை புரிந்து கொண்டவன் அவர்களின் கலாப காதலன் ஆகிறான்.


ஆண்களில் எந்த வகையான ஆண்களை, பெண்களுக்கு பிடிக்கும் என்பது ஒரு சிறிய ஆய்வின் மூலம் தெரிய வந்துள்ளது. அதைப்பற்றி இப்போது பார்ப்போம்.

நகைச்சுவை உணர்வோடு உலா வரும் ஆண்களைத்தான் பெண்கள் எப்பொழுதும் விரும்புகிறார்கள். 'கடுகடு சிடுசிடு'வென்று இருக்கும் ஆண்களை பெண்களுக்கு பிடிக்கவே பிடிக்காது.

பெண்களை சந்தோஷத்தில் மூழ்கடிக்கும் வகையில் குறும்பும் நகைச்சுவையும் செய்யும் ஆண்களை அவர்கள் அதிகளவில் விரும்புகின்றனர். அந்நகைச்சுவை உணர்வோடு காதலனோ அல்லது கணவரோ அமைந்து விட்டால் அவர்களின் சந்தோஷத்திற்கு அளவே இல்லை. மேலும் அவர்கள் உங்கள் மீது வைக்கும் காதலுக்கும் அளவு இல்லை.

அதற்காக 24 மணி நேரமும் காமெடி செய்தாலும் பிடிக்காது மற்றும் முக்கியமான முடிவு எடுக்கும் சமயத்தில் நகைச்சுவையாக இருந்தாலும் பிடிக்காது. வாழ்க்கையில் சின்னஞ்சிறு சண்டையும் வேண்டும், ஊடலும் வேண்டும்.

இவ்வகையான ஆண்களை கணவனாக அடைந்த சில பெண்களிடம் கேட்ட போது அவர்கள் கூறியதாவது:-

நான் மிகவும் பாக்கியசாலி என்று நினைக்கிறேன். அவரை நான் மிகவும் காதலிக்கிறேன். நான் அலுவலகத்திலிருந்து மிகவும் கோபத்துடனோ அல்லது சோர்வுடனோ வந்தால், அவர் அவரது நகைச்சுவை உணர்வின் மூலம் என்னை சிரிக்க வைத்துவிடுவார்.

அந்த சமயம் நான் என் கவலைகளையும் மற்றும் களைப்பையும் மறந்து விடுகிறேன். எனக்கு ஒவ்வொரு நாளும் மிகவும் மகிழ்ச்சிகரமான நாளகவே செல்கிறது என்கின்றனர்.