விஷாலுடன் ஜோடி சேரும் நடிகை திரிஷா

‘அவன் இவன்’ படத்திற்கு பிறகு விஷால் நடித்து வரும் படம் ‘வெடி’. பிரபுதேவாவின் இயக்கத்தில், சமீரா ரெட்டியுடன் நடித்துக் கொண்டிருக்கும் இப்படம் விரைவில் முடிவடைய இருக்கிறதாம். இதையடுத்து இயக்குனர் லிங்குசாமியின் படத்தில் நடிக்க இருக்கிறாராம் விஷால்.

இயக்குனர் லிங்குசாமியோ தற்போது மாதவன், ஆர்யா நடிக்கும் ‘வேட்டை’ படத்தை எடுத்து வருகிறார். அப்படம் முடிவடைந்ததும் விஷாலுடன் படம் பண்ண இருக்கிறாராம். இந்த இடைவெளியில் இயக்குனர் திருவின் படத்தில் நடிக்க விஷால் முடிவு செய்திருக்கிறாராம்.

இவர் நடித்த ‘தீராத விளையாட்டுப் பிள்ளை’ படம் இயக்கியவர்தான் அந்த திரு. அவருடைய படத்தில் நடிக்க இருக்கும் விஷாலுக்கு ஜோடியாக திரிஷா நடிக்கப் போகிறாராம். மங்காத்தா படத்திற்குப் பிறகு எப்படத்தையும் ஒத்துக் கொள்ளாமல் இருந்த திரிஷா, விஷாலுடன் முதல் முறையாக நடிக்க இருக்கிறார். இப்படத்திற்கு யுவன்சங்கர் ராஜா இசையமைக்க இருக்கிறாராம்.