அரசியலில் நுழைந்த ‘குத்து’ நடிகைக்கு தேடி வரும் கட்சிப் பதவி!

தமிழில் சிம்புவுடன் ‘குத்து’ படத்தில் அறிமுகமான நடிகை ரம்யா. சிலி படங்களுக்குப் பிறகு தனது பெயரை திவ்யா ஸ்பந்தனா என்று மாற்று வைத்துக் கொண்டு திரைப்படங்களில் நடித்து வந்தார். தற்போது வெளியுறவுத் துறை அமைச்சராக இருக்கும் எஸ்.எம்.கிருஷ்ணாவின் பேத்தி இவர் என்பது குறிப்பிடத்தக்கது.

சமீபத்தில் இவர் கர்நாடக காங்கிரஸ் கட்சியில் இணைந்தார். ராகுல் காந்தியின் அரசியல் நடவடிக்கைகளில் ஈர்க்கப்பட்டு அக்கட்சியில் சேர்ந்ததாக அறிவித்தார். ரம்யாவுக்கு கர்நாடக காங்கிரசில் உயர்ந்த பதவி கிடைக்க உள்ளது. அந்த மாநிலத்தில் இளைஞர் காங்கிரஸ் தலைவராக அவரை தேர்வு செய்ய ஏற்பாடுகள் நடக்கின்றன.

அடுத்த மாதம் (செப்டம்பர்) கர்நாடக காங்கிரசுக்கு கட்சி தேர்தல்கள் நடைபெற உள்ளன. அப்போது இளைஞர் காங்கிரஸ் தலைவர் பதவிக்கு போட்டியிட அவர் வேட்புமனு தாக்கல் செய்கிறார். ரம்யாவை போட்டியின்றி தேர்வு செய்ய முயற்சிகள் நடக்கின்றனவாம்.