விஜயின் ‘வேலாயுதம்’ படத்தின் ரிலீஸ் தேதி அறிவிப்பு!

இளையதளபதி விஜயின் நடிப்பில் உருவாகிவரும் ‘வேலாயுதம்’ படத்தின் ரிலீஸ் தேதியை அப்படத்தின் இயக்குனரான ஜெயம் ராஜா அறிவித்தார். இப்படத்தில் பால்காரராக விஜய்க்கு பத்திரிகையாளராக வரும் ஜெனிலியா மற்றும் கிராமத்து பெண்ணாக வரும் ஹன்சிகா மோட்வானி இரண்டு கதாநாயகிகள். நாளை இப்படத்தின் பாடல் வெளியீடு மதுரையில் நடைபெறுகிறது.

இந்நிலையில் இப்படத்தின் ரிலீஸ் தேதியை இயக்குனர் அறிவித்தார். ‘’பிரமாண்டமாக உருவாகியுள்ள ‘வேலாயுதம்’ படம் விஜய் ரசிகர்களுக்கு பிடித்த படமாக வந்துள்ளது. இப்படம் அவரது ரசிகர்களுக்கு தீபாவளி விருந்தாக வருகிறது. அதாவது தீபாவளி அன்று திரைக்கு வர இருக்கிறது’’ என்றார்.

வரும் அக்டோபர் 26-ம் தேதி அன்றுதான் தீபாவளித் திருநாள் வருகிறது. அன்றைய தினம் சூர்யாவின் ‘ஏழாம் அறிவு’, சிம்புவின் ‘ஒஸ்தி’, தனுஷின் ‘மயக்கம் என்ன’ ஆகிய படங்களும் திரைக்கு வர இருக்கிறது என்பது குறிப்பிடத்தக்கது.