4 நாட்கள் 40 கோடி – மங்காத்தாவின் பகீர் பிஸினஸ்

மங்காத்தா படத்தின் கதையே மேட்ஸ் பிக்ஸிங் பற்றியதுதான். அப்படி இருக்க இந்த படத்தின் பிஸினசும் மங்காத்தா மாதிரியே இருக்கும் போல தெரிகிறது. சென்னையில் முன்னணி திரையரங்கான சத்யமில் எல்லா தியேட்டர்களிலும் மங்காத்தா ரிலீஸ் ஆகிறது. இது மட்டுமின்றி ஐநாக்ஸ், மாயாஜால், சாந்தம் என எல்லா மல்ட்டி ப்ளக்ஸ் தியேட்டர்களிலும் உள்ள அதிகப்படியான தியேட்டர்களில் மங்காத்தா ரிலீஸ் ஆகிறது.

இது தவிர சென்னையிலும் மற்ற ஏரியாக்களிலும் எவ்வளவு அதிக அளவுக்கு தியேட்டர்களில் ரிலீஸ் செய்ய முடியுமோ அவ்வளவு அதிகமான தியேட்டர்களில் ரிலீஸ் செய்கிறார்கள். எந்திரன் படத்திற்கும் இது போன்றுதான் ரிலீஸ் செய்தார்கள்.

மங்காத்தா ரிலீஸைத் தொடர்ந்து நான்கு நாட்கள் லீவு வருவதால் அந்த நான்கு நாட்களிலுமே முடிந்த அளவுக்கு டிக்கெட் விலையை ஏற்றி விற்க முடிவு செய்துள்ளனர் தியேட்டர்காரர்கள். இதன் மூலம் நான்கு நாட்களிலேயே மங்காத்தா பல கோடிகளை வசூல் செய்து விடும் என்று எதிர்பார்க்கப்படுகிறது.