கோவையில் 16-ந் தேதி ஹாரிஸ் ஜெயராஜ் இசை நிகழ்ச்சி 18 பாடகர்கள் பங்கேற்பு

கோவையில் அடுத்த மாதம் 16-ந் தேதி ஹாரிஸ் ஜெயராஜ் இசை நிகழ்ச்சி நடக்கிறது. கோவையில் இசை அமைப்பாளர் ஹாரிஸ் ஜெயராஜ் நிருபர்களிடம் கூறியதாவது:- டெக்பிரன்ட் நிறுவனத்துடன் இணைந்து கோவையில் அடுத்த மாதம் 16-ந் தேதி இசை நிகழ்ச்சி கோவை இந்துஸ்தான் கலை கல்லூரியில் நடை பெறுகிறது. இதில் பாடகர்கள் கார்த்திக், ராகேஷ் ஐயர், ஹரிஷ்ராகவேந்திரா, ஸ்வேதா மேனன், கிரிஷ், சின்மயி, ஸ்ரீலேகா பார்த்த சாரதி உள்ளிட்ட 18 பாடகர்கள் கலந்து கொண்டு பாடுகிறார்கள்.

மேலும் சீனா மற்றும் வடமாநிலங்களில் இருந்து நடனக்கலைஞர்கள் கலந்து கொண்டு ரசிகர்களை மகிழ்விக்க உள்ளனர். 2001ம் ஆண்டு மின்னலே படம் மூலம் அறிமுகமானேன். இப்போது 2011ல் அடியெடுத்து வைத்துள்ளேன். இதுவரை மேடை நிகழ்ச்சிகளில் ரசிகர்களை சந்திக்கவில்லை. அதற்கு நேரமின்மையே காரணம். இப்போது தான் அதற்கான நேரம் கிடைத்துள்ளது.
மேடை நிகழ்ச்சி வடிவமைப்பு ஆகிய பணிகளை பட இயக்குனர் விஜய் கவனித்து வருகிறார். இவ்வாறு அவர் கூறினார்.

நிர்வாக இயக்குனர் முரளிதரன் கூறுகையில், முதல் முறையாக கண்ணாடி அணிந்து நிகழ்ச்சிகளை காணும் வகையில் வடி வமைத்துள்ளோம். தொடு திரை உள்ளிட்ட நவீனத் தொழில் நுட்பத்தை புகுத்தியுள்ளோம். நிகழ்ச்சிக்கு 25 ஆயிரம் பேர் வருவார்கள் என எதிர்பார்க்கிறோம். டிக்கெட் கட்டணம் ரூ. 500, ரூ. 1000, ரூ. 2000, ரூ. 5000 என நிர்ணயிக்கப்பட்டுள்ளது என்றார்.