‘ஏழாம் அறிவு’ ஆட்டம் பாட்டம் : இசை வெளியீடு

ஏ.ஆர்.முருகதாஸ் இயக்கத்தில் சூர்யா நடிக்கும் ‘ஏழாம் அறிவு’ படத்தின் இசை வெளியீட்டு விழா நந்தம்பாக்கம் சென்னை வர்த்தக மையத்தில் செப் 22 நடைபெற இருக்கிறது.

ஷாருக்கான் இசை வெளியிடுவார் என்று தகவல்கள் வெளியாகின. இசை வெளியீட்டு விழாவில் யார் எல்லாம் கலந்து கொள்ள இருக்கிறார்கள் என்று தயாரிப்பாளர் தரப்பு அறிக்கை ஒன்றை வெளியிட்டுள்ளனர்.

அவ்வறிக்கையில் கூறியிருப்பது :

‘ஏழாம் அறிவு’ படத்தின் இசை வெளியீட்டு விழா 22ம் தேதி நடைபெற இருக்கிறது. இவ்விழாவை பிரம்மாண்டமாக நடத்த திட்டமிட்டு இருக்கிறோம்.

படத்தின் டிரெய்லரை முதன் முதலாக இவ்விழாவில் திரையிட இருக்கிறோம். தமிழ் திரையுலகில் முன்னணி நட்சத்திரங்களான தனுஷ், கார்த்தி, விஷால், ஜெயம் ரவி மற்றும் தெலுங்கு முன்னணி நடிகர் ராம் சரண் தேஜா போன்றவர்கள் இவ்விழாவில் கலந்து கொள்ள இருக்கிறார்கள்.

முன்னணி இயக்குனர்கள், தயாரிப்பாளர்கள் உள்ளிட்ட பலர் கலந்து கொள்வார்கள். ‘எங்கேயும் எப்போதும்’ படத்தின் நாயகனாக ஜெய், நாயகியான அஞ்சலி இருவரும் இந்த நிகழ்ச்சியை தொகுத்து வழங்க இருக்கிறார்கள்.

லட்சுமிராய், அபிநயா, அஞ்சலி, ருக்மணி ஆகியோர் நடனமாட இருக்கிறார்கள். நடன இயக்குனர் ஷோபி இதற்கான ஏற்பாடுகளை செய்து இருக்கிறார். வெளிநாட்டு சண்டை கலைஞர்களின் நிகழ்ச்சியும் நடைபெற உள்ளது.

இஷா ஷெர்வானி , பாடகர் கார்த்திக் இருவரும் இவ்விழாவின் சிறப்பு அம்சமாக படத்தின் பாடலுக்கு ஆட / பாட இருக்கிறார்கள். ‘ஏழாம் அறிவு’ படத்தின் வில்லனான Johny Tri Nguyen உட்பட படக்குழுவினர் அனைவரும் இவ்விழாவில் கலந்து கொள்ள இருக்கிறார்கள்.