கவர்ச்சி ஆயுதமாக ஹன்ஷிகா மோத்வானி

கோடம்பாக்கத்தில் தற்போது ஹாலிவுட்டுக்கு இணையான படங்களை இயக்குவது தொடர்கதையாகி வருகிறது. தசாவதாரம், எந்திரன், ஏழாம் அறிவு, படங்களைத் தொடர்ந்து தற்போது கமல் இயக்கி நடிக்கும் விஸ்வரூபம், மிஷ்கின் இயக்கும் முகமுடி, அறிமுக இயக்குனர் நெல்சன் இயக்கும் வேட்டை மன்னன் ஆகிய படங்கள் தலா 40 கோடி பட்ஜெட் உருவாகின்றன.

இதில் சிம்புவின் வேட்டை மன்னன் படத்துக்கு ஹாலிவுட் ஆக்‌ஷன் இயக்குனர்கள் பணியாற்றுகிறார்கள். சில காட்சிகளுக்கு பானா விஷன் கேமரா பயன்படுத்த இருக்கிறார்கள். இந்தப் படத்தில் கூலிக்கு கொலைசெய்யும் சர்வதேசக் கொலைகாரணாக சிம்பு நடிக்கிறார். நண்பனை கொலைசெய்யும் கூலிப்படையை போட்டுத்தள்ளும் சிம்பு, பிறகு சர்வதேச மாபியாகவாக எப்படி மாறினான் என்பதுதான் கதை. இதில் சிம்புவின் நண்பனாக ஜெய் நடிக்கிறார். சிம்புவின் இன்னோரு நண்பனாக சந்தானம் நடிக்கிறார்.

முழுநீள ஆக்‌ஷன் படமாக உருவாகும் இந்தப் படத்தில் இரண்டு ஹீரோயின்கள். தெலுங்கில் இருந்து இறக்குமதி ஆகியிருக்கும் தீக்‌ஷா சேத் முதல் நாயகியாக ஒப்பந்தம் செய்யப்பட்டார். தற்போது இரண்டாவது ஹீரோயினாக ஹன்ஷிகா மொத்வானி ஒப்பந்தம் செய்யப்பட்டிருகிறார். இதை ஹான்ஷிவின் மேலாளர் 4 தமிழ் செய்தியாளரிடம் உறுதிப்படுத்தினார். இந்தப் படத்தில் ஹன்ஷிகா கவர்ச்சி ஆயுதமாக ஒரு வுமன் கேங்ஸ்டராக நடிக்கிறாராம். வேட்டை மன்னன் படப்பிடிப்பு அடுத்த மாதம் தொடங்குகிறது!.