கோவணம் கட்டி நடிக்கப்போகிறார் தனுஷ்!

மாரீசன் படத்தில் ஆதிவாசி கேரக்டரில் நடிக்கும் நடிகர் தனுஷ், கோவணம் கட்டி நடிக்கவுள்ளார். சிம்புதேவன் இயக்கத்தில் தனுஷ் நடிக்கும் படம் புதிய படம் மாரீசன். இப்படத்தின் நாயகனாக தனுஷ் நடிக்கிறார். பொதுவாக சரித்திர கதை படங்கள் என்றால், தியேட்டரில் ஏகப்பட்ட கொட்டாவிகளை வரவழைத்து வானிலை அறிக்கை சொல்கிற அளவுக்கு பாதிப்பை ஏற்படுத்தும். ஆனால் சிம்பு தேவன் கதைகள் அப்படியல்ல. சரித்திர பின்னணியோடு எடுக்கப்பட்டாலும், அதில் காமெடியை தூவி கலகலப்பாக்கிவிடுவார்.

முதல் படத்தில் வடிவேலு, அதன்பின் லாரன்ஸ், இடையில் சந்தானம், கஞ்சா கருப்பு என்று தனக்கென்று தனி ஸ்கெட்ச் போட்டு வரும் சிம்புதேவனுக்கு இந்த படத்தில் தனுஷே கிடைத்திருக்கிறார். சும்மாவே கலகல டைப் தனுஷ். இதில் சிம்புவின் காம்பினேஷன் வேறு. கேட்க வேண்டுமா? சிம்புதேவனுக்காக இப்படத்தில் கோவணம் கட்டி நடிக்கவும் சம்மதித்திருக்கிறாராம் தனுஷ்.