இசை, பாடல்களில்தான் எனக்கு நாட்டம் அதிகம்: ஸ்ருதி ஹாசன்

கமல் மகள் ஸ்ருதி ‘லக்’ என்ற இந்திப் படம் மூலம் கதாநாயகியாக அறிமுகமானார். இதையடுத்து சூர்யா ஜோடியாக ’7ஆம் அறிவு’ படத்தில் நடித்தார். இப்படம் தீபாவளிக்கு ரிலீசாகிறது. தற்போது ரஜினி மகள் ஐஸ்வர்யா இயக்கும் ’3′ படத்தில் தனுஷ் ஜோடியாக நடிக்கிறார். ஸ்ருதி அளித்த பேட்டி வருமாறு:- சிறு வயதில் இருந்தே இசை, பாடல்களில்தான் எனக்கு நாட்டம் அதிகம். பள்ளியில் படித்தபோது நன்றாக பாடுவேன். எனது பாட்டை கேட்டு சக மாணவிகளும் ஆசிரியர்களும் பாராட்டினார்கள். ஆங்கில இசைக்குழுவில் சேர்ந்து பாடல் எழுதி கொடுத்தேன்.

அப்பாடல் தற்போது உலகம் முழுவதும் பாடப்படுகிறது. அக்குழுவில் பணியாற்றியது மறக்க முடியாத அனுபவம். பாப் பாடல்கள் எனக்கு மிகவும் பிடிக்கும். பாப் பாடகர் ஆகத்தான் ஆசைப்பட்டேன். ஆனால் எதிர்பாராமல் நடிகையாகி விட்டேன். தெலுங்கில் சித்தார்த், ஜூனியர் என்.டி.ஆர், பவன் கல்யாண் போன்றோருடன் நடிக்கிறேன்.

குயிலுக்கு கூவத்தானே பிடிக்கும்……!