சகுனியில் ராதிகா, ரோஜா பிரித்து மேயப்படும் அரசியல்

கடந்த மே மாதமே சகுனி படத்தின் கதை எந்த சம்பவத்தை அடிப்படையாக கொண்டது என்பதை நாம் எழுதியிருக்கிறோம் வெகு வேகமாக வளர்ந்து வரும் இப்படத்தில் சகுனியாக நடித்திருக்கும் கார்த்தியின் கேரக்டர் என்ன என்பதை இப்போதுதான் பல்வேறு ஊடகங்களில் எழுதி தள்ளிக் கொண்டிருக்கிறார்கள்.

பொதுவாகவே அரசியல் தொடர்பான வசனங்களை பேசவும், அப்படி பேசி நடிக்கவும் தயங்கும் நடிகர்களுக்கு மத்தியில் கார்த்தி எதற்கு இந்த படத்தை ஒப்புக் கொண்டார் என்ற கேள்வி ரசிகர்களுக்கு எழுந்திருக்கிறது. ஆனால் இந்த படத்தில் தனக்கேயுரிய நக்கல் நையாண்டி வசனங்கள் அதிகம் இருப்பதால்தான் குஷியானாராம் கார்த்தி. இவரது போர்ஷன் நீரா ராடியாவை நினைவுபடுத்தினாலும், இவரைப் போலவே அரசியல் காமெடிகளை அலசி காயப்போட மேலும் இருவர் படத்திலிருக்கிறார்கள்.

ஒருவர் ரோஜா, மற்றவர் ராதிகா. மாநகராட்சி கவுன்சிலர் வேடத்தில் நடித்திருக்கும் இருவரும் நாட்டு நடப்பை பிரித்து மேய்ந்திருக்கிறார்களாம். யார் யாருக்கெல்லாம் மானம் போகுமோ?