வில்லன்களுக்கு குரல் கொடுக்கும் கௌதம் மேனன்

பிரபல இயக்குநர் டப்பிங் கலைஞர்கள் சங்கத்தில் உறுப்பினராக சேர்ந்துள்ளார். கௌதம் மேனன் இயக்கும் படங்களில் சில கதாபாத்திரங்களுக்கு அவரே குரல் கொடுப்பார். அதிலும் பெரும்பாலும் வில்லன் கதாபாத்திரங்களுக்குத்தான் அதிகம் குரல் கொடுத்துள்ளார். காக்க காக்க, துவங்கி பச்சைக்கிளி முத்துச்சரம் போன்ற படங்களில் குரல் கொடுத்த கெளதம் மேனன் சமீபத்தில் தான் தயாரித்த வெப்பம் படத்திலும் ஒரு கதாபாத்திரத்திற்கு குரல் கொடுத்திருந்தார்.

இவரின் குரலுக்கு ஏற்பட்டிருக்கும் வரவேற்ப்பால் வெளிப்படங்கள் சிலவற்றில் குரல் கொடுக்கும் வாய்ப்பும் இவருக்கு வருகிறது. சமீபத்தில் பாலிவுட் படமொன்றுக்கு குரல் கொடுத்திருக்கிறார். அந்த படத்திலும் வில்லன் கதாபாத்திரத்திற்குத்தான் குரல் கொடுத்திருக்கிறார்.

ஆனால் டப்பிங் கலைஞர்கள் சங்கத்தில் உறுப்பினர்கள் மட்டும் தான் டப்பிங் பேச வேண்டும் என்ற விதி இருப்பதால் கெளதம் மேனனும் டப்பிங் கலைஞர்கள் சங்கத்தில் உறுப்பினராகியிருக்கிறார்.