வெங்கட்பிரபு –> சூர்யா + ரவிதேஜா !

‘மங்காத்தா’ படத்திற்கு கிடைத்த வரவேற்பை அடுத்து வெங்கட்பிரபு STUDIO GREEN நிறுவனம் தயாரிக்கும் படத்தினை இயக்க இருக்கிறார் வெங்கட்பிரபு. இந்நிறுவனம் இதுவரை சூர்யா மற்றும் கார்த்தி ஆகிய இருவரை வைத்து தான் படம் தயாரித்துள்ளது. வெங்கட்பிரபு அடுத்த படத்தின் நாயகனாக சூர்யா நடிக்க இருக்கிறாராம்.

‘மங்காத்தா’ படத்தில் அஜீத்தின் நடிப்பைப் பாராட்டியுள்ள சூர்யா, அது போன்ற கதாபாத்திரத்தில் நடிக்க ஆர்வம் இருப்பதைத் தெரிவித்திருந்தார்.

சூர்யாவின் படங்கள் தெலுங்கில் டப்பிங் செய்யப்பட்டு, அங்கும் வரவேற்பை பெற்று வருகிறது. இந்நிலையில், தமிழ் மற்றும் தெலுங்கு வியாபாரத்தை கணக்கில் கொண்டு சூர்யா மற்றும் ரவிதேஜா ஆகிய இருவரையும் வைத்து ஒரு அதிரடி ஆக்ஷன் கதையை இயக்க இருக்கிறாராம் வெங்கட்பிரபு.

யார் எல்லாம் இப்படத்தில் நடிக்க இருக்கிறார்கள் என்பதை விரைவில் அறிவிக்க இருக்கிறார்கள்.