சிம்பு, தனுஷ் படங்கள் ஒரே நேரத்திலா?

சிம்பு நடிப்பில் ‘ஒஸ்தி’, தனுஷ் நடிப்பில் ‘மயக்கம் என்ன’ என இரு படங்களும் எப்போது வெளியீடு என்று தேதி அறிவிக்கப்படாமல் இருப்பதால் இரண்டுமே ஒரே தேதியில் வெளியாகுமோ என்று இப்போது அச்சத்தில் இருக்கிறார்கள் விநியோகஸ்தர்கள்.

முதலில் 18ம் தேதி ‘மயக்கம் என்ன’, 23ம் தேதி ‘ஒஸ்தி’ என அறிவிக்கப்பட்டாலும், தயாரிப்பாளர் தரப்பு இதனை இன்னும் முடிவு செய்யவில்லை.

இந்நிலையில் ‘மயக்கம் என்ன’ படத்தின் இயக்குனர் செல்வராகவன் தனது டிவிட்டர் இணையத்தில் “ மயக்கம் என்ன படத்தினை ஒரு சில நாட்கள் கழித்து வெளியிடலாமா என்று யோசித்து வருகிறேன். காலேஜில் செமஸ்டர் பரீட்சைகள் நடைபெற்று வருவது தான் இதற்கு காரணம். அதிகபட்சம் 3 அல்லது 4 நாட்கள் தள்ளிப் போகலாம் “ என்று அறிவித்து இருக்கிறார்.

‘ஒஸ்தி’ பட வெளியீடு குறித்து சிம்பு “ ஒஸ்தி படத்தின் இறுதிக்கட்ட பணிகள் மும்முரமாக நடைபெற்று வருகின்றன. நவம்பர் 23 அல்லது 25ம் தேதி படம் கண்டிப்பாக வெளியிடப்படும் “ என்று கூறி இருக்கிறார்.

இரண்டு படங்களுக்குமே பெரும் எதிர்ப்பார்ப்பு இருப்பதால் இரண்டையும் ஒரே நேரத்தில் வெளியிட கூடாது என்று தமிழ் திரையுலக விநியோகஸ்தர்கள் கூறி வருகிறார்களாம்.