திருப்பதியில் மொட்டை போட்டார் தனுஷ்!

கொலவெறிடி பாடல் ஹிட் ஆனதைத் தொடர்ந்து நடிகர் தனுஷ், திருப்பதியில்
மொட்டை போட்டு சாமி தரிசனம் செய்தார். நடிகர் தனுஷ், அவரது மனைவி
ஐஸ்வர்யாவுடன், இசையமைப்பாளர் அனிரூத் ரவிசந்தர் ஆகியோர் திருப்பதி
கோயிலுக்கு சென்றனர். அங்கு தனுஷ் தனது முடியை காணிக்கை செலுத்தினார்.
பின்னர் சாமி தரிசனம் செய்தார்.
தரிசனத்திற்கு பிறகு கோயிலில் இருந்து வெளியே வந்த தனுஷ் நிருபர்களுக்கு
பேட்டியளித்தார். அப்போது, விரைவில் திரைக்கு வர இருக்கும் `3 படத்திற்காக
நான் சொந்தக் குரலில் பாடிய `ஒய் திஸ் கொல வெறி பாடல் தமிழகம் மட்டுமின்றி
உலகின் பல்வேறு நாடுகளிலும் ஹிட் ஆகியிருக்கிறது மகிழ்ச்சி அளிக்கிறது.
பாகிஸ்தானில் இந்த பாடலுக்கு மிகுந்த வரவேற்பு இருப்பதாக அங்குள்ள எனது
ரசிகர்கள் தெரிவித்தனர். கிரிக்கெட் வீரர் சச்சின் தெண்டுல்கர் பற்றி
பாடியுள்ள பாடலும் ரசிகர்கள் மத்தியில் நல்ல வரவேற்பை பெறும் என்று
நம்புகிறேன். எனவே, ரசிகர்களை மகிழ்விக்கும் வகையில் நான் தொடர்ந்து
சினிமாவில் சொந்த குரலில் பாடுவேன், என்றார்.