வடிவேலு மீதான விசாரணைக்கு தடை!

தேர்தல் விதிமீறல் தொடர்பாக வடிவேலு மீது தொடரப்பட்ட வழக்கை விசாரிக்க
மதுரை ஐகோர்ட் கிளை தடைவிதித்து உத்தரவிட்டுள்ளது. கடந்த சட்டமன்ற
தேர்தலில் காமெடி நடிகர் வடிவேலு, திமுக வேட்பாளர்களுக்கு ஆதரவாக பிரசாரம்
செய்தார். நத்தம் தொகுதியில் பிரசாரம் செய்தபோது தேர்தல் விதிமுறையை
மீறியதாக அவர் மீது நத்தம் போலீசார் வழக்குப்பதிவு செய்தனர். இந்த வழக்கு
நத்தம் கோர்ட்டில் நடந்து வருகிறது.
இந்நிலையில் இந்த வழக்கை ரத்து செய்ய வேண்டும் என்றும், இந்த வழக்கில்
ஆஜராக தங்களுக்கு விலக்கு அளிக்க வேண்டும் என்றும் நடிகர் வடிவேலு சார்பில்
மதுரை ஐகோர்ட்டில் மனு தாக்கல் செய்யப்பட்டது. மனுவை விசாரித்த நீதிபதி,
நடிகர் வடிவேலு மீதான வழக்கை நத்தம் கோர்ட்டு விசாரிக்க இடைக்கால தடை
விதித்து உத்தரவிட்டார். மேலும் கோர்ட்டு விசாரணையின்போது அவர்கள்,
கீழ்கோர்ட்டில் ஆஜராக விலக்கு அளித்தும் நீதிபதி உத்தரவிட்டுள்ளார்.