மார்ச் 30 முதல் தனுஷின் 3 ரிலீஸ்: அதிகாரப்பூர்வ அறிவிப்பு!!

கொலவெறி என்ற ஒரே ஒரு பாட்டுக்காகவே மிகுந்த எதிர்பார்ப்பை
ஏற்படுத்தியிருக்கும் தனுஷின், 3 படம் மார்ச் 30ம் தேதி முதல் திரைக்கு வர
இருக்கிறது. தனுஷ், ஸ்ருதிஹாசன் நடிப்பில் ஐஸ்வர்யா தனுஷ் இயக்கும்
முதல்படம் 3. தனுஷின் முந்தைய படங்களை காட்டிலும் இந்தபடம் எல்லா
ஏரியாக்களிலும் அதிக விலைக்கு விற்கப்பட்டு உள்ளது. குறிப்பாக ஆந்திராவில்
ஒரு ஏரியாவில் மட்டும் இப்படம் ரூ.3 கோடிக்கு விலை போய் உள்ளது. இந்த
அளவுக்கு தனுஷின் படம் விலை போய் இருப்பதற்கு முக்கிய காரணம் 3 படத்தில்
உள்ள கொலவெறி பாடல் தான். புதுமுகம் அனிரூத் இசையமைப்பில்
வெளிவந்திருக்கும் ஒய்திஸ் கொலவெறி… என்ற பாடலை தனுஷே எழுதி,
பாடியிருக்கிறார். இந்தபாடல் உலகம் முழுக்க சூப்பர் ஹிட்டாகியுள்ளது.
இதனால் இந்த ஒருபாட்டுக்காகவே 3 படத்திற்கு பெரும் எதிர்பார்ப்பு கிளம்பி
இருக்கிறது. இதனால் படம் எப்போது வெளிவரும் என்று அனைத்து தரப்பிலும் ஒரு
ஆவல் இருந்து வந்தது. இந்நிலையில் 3 படத்தை மார்ச் 30ம் ‌தேதி முதல் ரிலீஸ்
செய்ய இருப்பதாக அதிகாரப்பூர்வமாக அறிவிக்கப்பட்டுள்ளது.
ஒரே ஒரு பாட்டு மூலம் உலகத்தையே தன் பக்கம் திரும்ப வைத்த தனுஷூக்கு,
அந்தபாடல் வெளிவந்த பிறகு பிரதமர் விருந்தில் பங்கேற்பு, சச்சினுக்கு
ஆல்பம், இதுதவிர ஆங்கிலம் உள்ளிட்ட பிற மொழிகளிலும் ஆல்பம் இயக்கும்
வாய்ப்பு, இந்திபட வாய்ப்பு என்று தனுஷ் டாப் ரேஞ்சுக்கு போய் இருப்பது
குறிப்பிடத்தக்கது.