பிந்து மாதவி பேட் லக் ஹீரோயின்?!

சின்ன சிலுக்கு, என்றெல்லாம் கொண்டாடப்பட்ட பிந்து மாதவியை அவரது இரண்டு படங்களும் அடுத்தடுத்த சொதப்ப வழக்கம் போல் ஏற்றி வைத்த கோபுரத்தில் இருந்து கீழே தள்ளி விட்டு கைகொட்டி சிரிக்கிறதாம் கோடம்பாக்கம்.
இவர் லேட்டஸ்ட்டாக நடித்த கழுகு படமும் கொஞ்சம் அடி வாங்கிவிட்டது. அப்புறம் என்ன இந்த படத்தின் ஹீரோயினான இவரை பேட் லக் பெண் என்று கொளுத்திப் போட்டுவிட்டார்கள்? கமிட் ஆன இரண்டு படங்களில் இருந்து கழற்றிவிட்டு விட்டார்கள். வெறும் கழுகு மட்டும் இதற்கு காரணமில்லை. இதற்கு முன்பு வந்த வெப்பம் படமும் ஒரு காரணமாக இருக்கலாம். கவுதம் மேனன் தயாரித்த அந்த படமும், வந்த சுவடே தெரியாமல் போனதும் ஒரு காரணம் என்கிறது விவரமறிந்த வட்டாரம். தமிழ் புரியாத தன்னிடம், இந்த கதை ஆஹா ஒஹோ என்று பிதற்றி ரூட்டை திருப்பிவிட்ட தனது மேனேஜர் மீதுதான் அவ்வளவு கோபத்தையும் காட்டிக் கொண்டிருக்கிறாராம்.
இருக்கிற நிலைமையை பார்த்தால் மறுபடியும் ஆந்திராவுக்கே பின்வாங்குவார் போலிருக்கிறது?!