தாண்டவம் படத்தில் அமலாபால்?!

இயக்குநர் விஜய் இயக்கும் தாண்டவம் படத்தில் அமலாபாலும் நடிக்க இருப்பதாக அங்கொன்றும் இங்கொன்றுமாக தகவல்கள் வெளியாகின. ஏற்கனவே அமலாபாலுக்கும் – விஜய்க்கும் ( இயக்குநர் விஜய்) காதல், அப்படி இப்படி என அடிக்கடி இருவரையும் சேர்த்து செய்திகள் வந்து கொண்டிருக்க லேட்டஸ்டாக இந்த வரிசையில் இணைந்திருப்பது தான் தாண்டவம் படத்தில் அமலா பாலுக்கும் வாய்ப்பு என்ற செய்தி.
விக்ரம் நடிக்கும் தாண்டவம் படத்தில் ஏற்கனவே ஏமி ஜாக்சன், அனுஷ்கா என இரண்டு நாயகிகள் இருக்கின்றனர். மூன்றாவதாக அமலாபாலும் நடிக்கப் போகிறார் என்ற செய்தி உலா வருகிறது. ஆனால், விஜய்யோ எத்தனை முறை தான் சொல்வது எனக்கும் அமலாபாலுக்கும் ஒன்றும் இல்லை, என்னை அவரோடு இணைத்து சொல்லாதீர்கள் என சலித்துக் கொள்கிறாராம்.
நெருப்பு இல்லாமல் புகையாது என சொல்வார்களே அது தெரியுமா விஜய் சார்ர்ர்….!