ஸ்ரேயாவின் ராஜா போக்கிரி ராஜா 27ம்தேதி ரீலிஸ்!

பெரும் பஞ்சாயத்துக்களைத் தாண்டி போக்கிரி ராஜா படம் வருகிற 27ம்தேதி ரிலீஸ் ஆகிறது. நடிகை ஸ்ரேயா மலையாளத்தில் கதாநாயகியாக நடித்த படம் போக்கிரி ராஜா. இதில் மம்முட்டி, ப்ருதிவிராஜ் ஆகியோரும் நடித்துள்ளனர். மம்முட்டி மதுரை தாதா கெட்டப்பில் தமிழ் பேசி நடித்துள்ளார். இப்படத்தை தமிழில் ராஜா போக்கிரிராஜா என்ற பெயரில் டப்பிங் செய்து வெளியிட தயாரிப்பாளர் மலேசியா பாண்டியன் ஏற்பாடு செய்தார். இதற்கு ஸ்ரேயா எதிர்ப்பு தெரிவித்தார். மலையாள படத்துக்குதான் சம்பளம் வாங்கி நடித்தேன். அதை தமிழில் டப்பிங் செய்யக்கூடாது என்று கூறினார். தயாரிப்பாளர் சங்கத்திலும் புகார் அளித்தார். இதனால் ஸ்ரேயா மீது நஷ்டஈடு வழக்கு தொடர மலேசியா பாண்டியன் முடிவு செய்தார்.

இதற்கிடையில் ஸ்ரேயாவுக்கும், மலேசியா பாண்டியனுக்கும் இடையே சமரச பேச்சுவார்த்தை நடந்தது. இதில் உடன்பாடு ஏற்பட்டதையடுத்து, படத்தை தமிழில் ரிலீஸ் செய்ய ஸ்ரேயா சம்மதித்தார். இதையடுத்து வருகிற 27-ந்தேதி தமிழ்நாடு முழுவதும் ராஜா போக்கிரி ராஜா படம் ரிலீஸ் ஆகிறது.