நட்புக்காக சிம்பு பாடிய நட்பு பாடல்!

நண்பரின் விருப்பத்துக்காக நடிகர் சிம்பு ஒரு நட்புப் பாடலை பாடி அசத்தியிருக்கிறார். சித்தார்த், ஸ்ருதிஹாசன், ஹன்சிகா மோத்வானி ஆகியோர் நடித்த ஓ மை ப்ரண்ட் என்ற தெலுங்கு படம், தமிழில் மொழிமாற்றம் செய்யப்பட்டு ஸ்ரீதர் என்ற பெயரில் ரிலீஸாக இருக்கிறது. தெலுங்கில், சித்தார்த்துக்காக பென்னி தயாள் ஒரு பாடலை பாடியிருந்தார். அதே பாடலை, ஸ்ரீதர் படத்துக்காக நடிகர் சிம்பு பாடினால் பொருத்தமாக இருக்கும் என்று பட அதிபர் தேவிஸ்ரீதேவி சதீஷ் கருதினார்.

இதையடுத்து அவர் சிம்புவை சந்தித்து தனது விருப்பத்தை தெரிவித்தார். அவர் மீது கொண்ட நட்பு காரணமாக ஸ்ரீதர் படத்தில் இடம்பெறும் பாடலை சிம்பு பாடினார். நட்புக்கு இல்லை எல்லை… எனத் தொடங்கி தொடரும் இந்த பாடல் தமிழ் ரசிகர்களை நிச்சயம் கவரும் என்று தேவிஸ்ரீதேவி சதீஷ் தெரிவித்துள்ளார். இந்த பாடலை கவிஞர் கே.கோபிபாலா எழுதியிருந்தார். ராகுல்ராஜ் இசை அமைத்துள்ளார்.