கென்னடி மகளுக்கு தூதர் பதவி ஒபாமா திட்டம்

சுட்டுக்கொல்லப்பட்ட அமெரிக்கா முன்னாள் ஜனாதிபதி ஜான் எப்.கென்னடியின் மகள் கரோலின் கென்னடி (வயது 55). வக்கீலான இவர் பல்வேறு சமூகசேவை அமைப்புகளுடன் இணைந்து பணியாற்றி வருபவர். கடந்த 2008–ம் ஆண்டு தேர்தலில் ஒபாமாவுக்கு ஆதரவாக தீவிர ஆதரவு திரட்டியவர். இந்நிலையில் கரோலின் கென்னடியை ஜப்பான் நாட்டிற்கான அமெரிக்கா தூதராக நியமிக்க ஜனாதிபதி ஒபாமா திட்டமிட்டு இருக்கிறார். இதை தூதர் நியமனம் தொடர்பான முக்கிய பிரமுகர் ஒருவர் தெரிவிக்கிறார். ஆனால் வெள்ளைமாளிகை செய்தி தொடர்பாளர் இதை உறுதி செய்ய மறுத்து விட்டார்.