கார்த்திகாவுக்கு அம்மாவானார் ரோஜா…!

1990-களில் கோலிவுட்டின் கனவு கன்னியாக வலம் வந்த நடிகை ரோஜா, இப்போது “கோ” கார்த்திகாவுக்கு அம்மாவாக நடிக்க இருக்கிறார். பாரதிராஜா இயக்கத்தில் உருவாகி வரும் புதிய படம் அன்னக்கொடியும் கொடிவீரனும். இப்படத்தில், அமீர்-இனியா நீக்கப்பட்டதற்கு பிறகு புதுமுகம் லட்சுமணன்-கோ கார்த்திகா ஆகியோரை வைத்து படத்தை இயக்கி வருகிறார் பாரதிராஜா. தேனி மாவட்டம், அல்லிநகரத்தில் உருவாகி வரும் இப்படத்தின் சூட்டிங் விறுவிறுப்பாக நடந்து வருகிறது. படத்தில் கார்த்திகாவுக்கு அம்மாவாக ரோஜா நடிக்கிறார்.

இதுகுறித்து ரோஜா கூறுகையில், என்னுடைய குருநாதர் படத்தில் நடிப்பது ரொம்ப மகிழ்ச்சியாக இருக்கிறது. நீண்ட இடைவெளிக்கு பிறகு கிராமத்து வேடத்தில் நடிக்கிறேன். எப்பவும் பாரதிராஜா படத்தில் மனித உணர்வுகளுக்கு முக்கியத்துவம் இருக்கும். அதேபோன்று இந்தப்படத்தில் அது தொடர்கிறது. படத்தில் என்னுடைய கேரக்டரும் நிச்சயம் பேசப்படும் என்றார்.