பள்ளிக்கூடம் அமைக்க ஆலிவுட் நடிகை ஏஞ்சலினா ஜூலி தனது நகைகளை விற்று நிதி திரட்டுகிறார்

பிரபல ஆலிவுட் நடிகை ஏஞ்சலினா ஜூலி ஐ.நா. சபையின் அகதிகள் மறுவாழ்வு தூதுவராக இருக்கிறார். இவர் ஆப்கானிஸ்தானில் 2010–ம் ஆண்டு மகளிர் பள்ளிக்கூடம் தொடங்க கணிசமான நிதி உதவி வழங்கினார். இதனை அடுத்து காபூல் நகருக்கு அருகே 200–300 மாணவிகள் படிக்கும் வகையில் புதிய பள்ளிக்கூடம் தொடங்க தீவிர முயற்சி எடுத்து வருகிறார். இதற்காக அவர் தனது நகைகளை ஏலத்தில் விட்டு நிதி திரட்ட தீர்மானித்து இருப்பதாகவும், இதற்காக அவர் நகை புரோக்கருடன் பேசி வருவதாகவும் தகவல் வெளியாகி இருக்கிறது. பிரபல பாடகி மடோனா உள்பட சிலரும் இதே போன்று கல்விக்கு நிதி உதவி அளித்து வருகிறார்கள் என்பது குறிப்பிடத்தக்கது