கரீனாவுக்கு பி.எம்.டபிள்யு கார் பரிசு?!

தபாங் 2 படத்தில் தன் வேண்டுகோளுக்கு இணங்கி ஒரு குத்துப் பாடலில் ஆட
ஒத்துக்கொண்ட ஒரே காரணத்திற்காக கரீனா கபூருக்கு, சல்மான் கான் லேட்டஸ்ட்
சீரிஸ் பி.எம்.டபிள்யு காரை பரிசாக அளிக்க இருப்பதாக சுவாரஸ்ய தகவல்
வெளியாகியிருக்கின்றது.
தபாங் வெற்றியைத் தொடர்ந்து இந்தியில் தபாங் 2 எடுக்கப்பட்டு வருகிறது.
பார்ட் ஒன்றில் இருந்தது போல் இதிலும் ஒரு செம குத்துப் பாடலை வைக்க
திட்டமிட்ட சல்மான் கான், அந்த பாடலுக்கு கரீனா கபூர் தான் ஆட வேண்டும் என
கடும் பிரயத்தனம் மேற்கொண்டார். நீண்ட போராட்டத்திற்குப் பிறகு ஒரு
வழியாக கரீனா கபூரும் எஸ் சொன்னார். அவர் ஓகே என்று சொன்ன ஒரே
வார்த்தைக்காகத் தான் இந்த பி.எம்.டபிள்யு பரிசாம்!
அண்மையில் ட்விட்டர் சமூக வலை தளத்தி்ல், வெளியான ட்வீட்டில் இவ்வாறு ஒரு
தகவல் கசிந்துள்ளது. ஆனால் சல்மான் தரப்போ, கரீனா பக்கமோ யாரும் இதனை
உறுதி படுத்தவில்லை. ரா ஒன் படத்தில் கெஸ்‌ட் ரோலில் நடித்ததற்காக சஞ்ஜய்
தத்திற்கு ஷாருக்கான் ரூ.15 லட்சம் மதிப்புள்ள பைக்கை பரிசாக வாங்கிக்
கொடுத்தார். அதே போல், தன் படத்தில் ஒரு பாடலில் தோன்றியதற்காக அக்ஷய்
குமார், சல்மான் கானின் தொண்டு நிறுவனத்திற்கு ஒரு பெருந்தொகையை பரிசாக
அளித்தார். பாலிவுட் பட உலகில் இந்த மாதிரியான காஸ்ட்லி கிஃப்ட் கலாச்சாரம்
சகஜம் என்பதால் கரீனாவுக்கு சல்மானின் பி.எம்.டபிள்யு., கார் பரிசும்
உண்மையாக இருக்குமோ என சலசலக்கப்படுகிறது.