வெங்கடேஷின் எனக்கு வாய்த்த நண்பர்கள் இப்படி…!

எனக்கு வாய்த்த நண்பர்கள் இப்படி! புதிய படத்தின் நாமகரணம் தான் இது. நிலாவே வா, சாக்லேட், தம், குத்து, பகவதி, ஏய், துரை போன்ற அதிரடி ஆக்ஷ்ன் படங்களை கொடுத்த டைரக்டர் வெங்கடேஷ், அடுத்து வித்யாமான முறையில் இயக்க இருக்கும் படத்திற்கு தான் இப்படி வித்தியாசமான தலைப்பை வைத்திருக்கிறார்.

புதுமுகங்கள் தேஜஸ்-உத்ரா ஆகியோர் ஹீரோ-ஹீரோயினாக அறிமுகமாக இவர்களுடன் சிங்கம்புலி, தம்பி ராமையா, ஓ.கே.சுந்தர், சிவரஞ்சனி ஆகியோர் நடிக்கின்றனர். மேலும் படத்தை இயக்கி, ஒளிப்பதிவு செய்வதுடன் இப்படத்தில் ஒரு முக்கிய ரோலிலும் நடிக்க இருக்கிறார் வெங்‌கடேஷ்.

படம் குறித்து வெங்கடேஷ் கூறியுள்ளதாவது, பொதுவாக காதலர்களுக்கு அவர்கள் காதல் ஜெயிக்க நண்பர்கள் உதவி செய்வார்கள். ஆனால் இப்படத்தில் ஹீரோ-ஹீரோயின் காதலுக்கு நண்பர்கள் உதவி செய்யாததுடன் அவர்களே எதிரிகளாக இருக்கிறார்கள். அதனால் தான் இப்படத்திற்கு எனக்கு வாய்த்த நண்பர்கள் இப்படி என்று பெயர் வைத்துள்ளேன் என்று கூறியுள்ளார்.

மவுன்ட் மூவி மேக்கர்ஸ் சார்பில் மது தயாரிக்கும் இப்படத்திற்கு ஸ்ரீகாந்த் தேவா இசையமைக்கிறார்.