ஸ்ரீதேவிக்கு மெழுகுச் சிலை வைக்கும் மேடம் டுசாட்ஸ்?

மும்பை: மேடம் டுசாட்ஸ் மெழுகு அருங்காட்சியகத்தில் நடிகை ஸ்ரீதேவிக்கு மெழுகுச் சிலை வைக்கப்போவதாக பேச்சு அடிபடுகிறது.
உலகப் புகழ் பெற்ற மேடம் டுசாட்ஸ் மெழுகு அருங்காட்சியகத்தில் பாலிவுட் நடிகர்கள் அமிதாப் பச்சன், ஷாருக்கான், சல்மான் கான், ரித்திக் ரோஷன், நடிகைகள் கரீனா கபூர், மாதுரி தீக்ஷித், ஐஸ்வர்யா ராய் ஆகியோருககு மெழுகு சிலை வைக்கப்பட்டுள்ளது. இந்நிலையில் கோலிவுட், பாலிவுட், டோலிவுட்டுகளை ஒரு காலத்தில் கலக்கிய நடிகை ஸ்ரீதேவிக்கு மேடம் டுசாட்சில் மெழுகுச் சிலை வைக்கப் போவதாக பேச்சு அடிபடுகிறது.
ஸ்ரீதேவிக்கு மெழுகுச் சிலை வைப்பது குறித்த விஷயங்கள் ரகசியமாக நடக்கின்றன. இது குறித்த அதிகாரப்பூர்வ அறிவிப்பு விரைவில் வெளியாகும் என்று ஒரு பிரபலம் தனது பிளாக்கில் எழுதியுள்ளார். பல வருடங்கள் கழித்து ஸ்ரீதேவி நடித்துள்ள இங்கிலீஷ் விங்கிலீஷ் படம் ரிலீஸாகும் அன்று தேதி மெழுகுச் சிலை குறித்த அதிகாரப்பூர்வ அறிவிப்பு வெளியாகலாம் என்றும் அவர் தனது பிளாக்கில் தெரிவித்துள்ளார்.
இங்கிலீஷ் விங்கிலீஷ் படம் வரும் அக்டோபர் மாதம் 5ம் தேதி் ரிலீஸாகிறது என்பது குறிப்பிடத்தக்கது.
தனது மனைவிக்கு மெழுகுச் சிலை வைக்கப் போவது குறித்து போனி கபூர் மிகுந்த மகிழ்ச்சியில் உள்ளார்.