அ‌ஜீத் படத்தில் ‌ரிப்போர்ட்டரான தாப்ஸி

விஷ்ணுவர்தன் இயக்கத்தில் அ‌ஜீத் நடிக்கும் படத்துக்கு இன்னும் பெயர் வைக்கவில்லை. அதற்காக படத்தின் ரகசியத்தை அப்படியே விட்டுவிட முடியுமா. ரகசியம் நெ.ஒன்று வெளியாகியிருக்கிறது.

அ‌ஜீத், நயன்தாரா, ஆர்யா, தாப்ஸி, ராணா நடிக்கும் இந்தப் படத்தில் தாப்ஸியின் கதாபாத்திரம் என்ன என்ற ரகசியம் வெளியாகியுள்ளது.

தாப்ஸி இந்தப் படத்தில் தொலைக்டகாட்சி நிருபராக நடிக்கிறார். இதுபற்றி கருத்து தெ‌ரிவித்த தாப்ஸி, நிருபராக வேண்டும் என்பது என்னுடைய ஆசை. ஆனால் நடிகையாகிவிட்டேன். விஷ்ணுவர்தன் படத்தில் நிருபராக நடிப்பதால் அந்த ஆசை நிறைவேறியிருக்கிறது என்றுதான் சொல்ல வேண்டும். விஷ்ணுவர்தனுக்கு என்னுடைய நன்றி என்று உருகுகிறார். ஆக, அ‌ஜீத் படத்தில் தாப்ஸி தொலைக்காட்சி நிருபராக வருகிறார் என்பது உறுதியாகியிருக்கிறது.

ராணா கௌரவ வேடத்தில் நடிக்க ஆர்யா வில்லனாக நடிக்கிறார்.