ஜெயம் ரவியை ஆட்டிவைத்த காயத்ரி ரகுராம்

சென்னை: நிமிர்ந்து நில் படத்தின் நடன இயக்குனர் காயத்ரி ரகுராம் சொல்லியபடியே ஜெயம் ரவியும், அமலா பாலும் காதல் பாட்டுக்கு டான்ஸ் ஆடியுள்ளனர்.
சமுத்திரக்கனி இயக்கத்தில் ஜெயம் ரவி, அமலா பால் நடிக்கும் படம் நிமிர்ந்து நில். இந்த படத்தின் முதல்கட்ட படப்பிடிப்பு கோவா மற்றும் சாலக்குடியில் சுமார் 12 நாட்கள் நடந்தன. அதிலும் கோவாவில் கடற்கரையோரம் அழகிய மர வீடு கட்டி அதில் ஷூட்டிங் எடுத்துள்ளனர். அந்த வீட்டில் வைத்து ஜெயம் ரவி, அமலா பால் டூயட் படமாக்கப்பட்டுள்ளது.
நடன இயக்குனர் காயத்ரி ரகுராம் ஸ்டெப்ஸ் சொல்லிக் கொடு்க்க அதை அப்படியே திருப்பி ஆடியுள்ளனர் ஹீரோவும், ஹீரோயினும். மர வீட்டில் எடுத்துள்ள இந்த பாடல் பேசப்படும் என்று எதிர்பார்க்கப்படுகிறது.
இந்த படத்திற்காக ரவி அவரது உடலை சும்மா கும்மென்று ஆக்கியுள்ளார். அவரது புது கெட்டப்புக்கு எக்கச்ச பாராட்டுகள் வந்து குவிகிறதாம். வேலை வேலை என்று ஓடியதால் முதல்கட்ட படப்பிடிப்பு முடிந்த கையோடு ரவி தனது மனைவியுடன் கோவாவில் பொழுதைக் கழித்துவிட்டு வந்துள்ளார்.