விக்ரமனின் நினைத்தது யாரோ

கடைசியாக வெளிவந்த ம‌ரியாதை, சென்னைக்காதல் இரண்டும் அட்டர் பிளாப். இருந்தும் தனது லலலலா பின்னணியையும், காதல் சென்டிமெண்டையும் விக்ரமன் விடுவதாக இல்லை.

புதுவசந்தம் படத்தின் மூலம் தமிழ் சினிமாவில் புயலாக நுழைந்தவர் விக்ரமன். பூவே உனக்காக, வானத்தபோல, சூ‌ரியவம்சம் எல்லாம் தமிழகத்தை தவிடுபொடியாக்கிய படங்கள். பிரச்சனை என்னவென்றால் விக்ரமனின் அடுத்தடுத்தப் படங்களும் அதே பழகிய ஒற்றையடிப் பாதையில் பயணித்து இம்சைப்படுத்தின. கடைசியாக வெளிவந்த இரண்டும் படு மொக்கைகள்.

இந்நிலையில் நினைத்தது யாரோ என்ற புதிய படத்துக்கு பூஜை போட்டிருக்கிறார் விக்ரமன். பாருங்கள்.. உன்னை நினைத்து பட டைட்டில் சாயலிலேயே இந்தப் படத்தின் பெயரும் இருப்பதை. கதையிலும் பெ‌ரிதாக எதிர்பார்க்க முடியாது போலிருக்கிறது. என்னுடைய படங்களில் காதல், குடும்ப சென்டிமெண்ட் எல்லாம் இருக்கும், இதில் முழுக்க காதலை சொல்லியிருக்கேன் என்றார் பூஜையின் போது. பூவே உனக்காக, உன்னை நினைத்து படங்களில் விக்ரமன் முழுக்க காதலை சொன்னதாகதான் நினைவு.

புதுமுகங்கள் இந்தப் படத்தில் நடிக்கிறார்கள். ஸ்பாட்டில் போய் ஃபிலிமை வீணடிக்காமலிருக்க ‌ரிகர்சல் ட்‌ரில் வாங்கிய பிறகே படப்பிடிப்புக்கு கிளம்புகிறார்.

புதுவசந்தம் ட்ரெண்ட் செட்டரை பார்க்க நாங்களும் ஆவலாக இருக்கிறோம். மாறாக வழக்கமான லலலலா இனிமா கொடுத்து ஓட வச்சிடாதீங்க பாஸ்.