ஜோதிடர் ஆலோசனைப்படி மஞ்சள் நிற உடைக்கு மாறிய பிரபுதேவா

நடிகர் பிரபுதேவா ஜோதிடத்தில் நம்பிக்கை உள்ளவர். ஆன்மீக ஈடுபாடும் உண்டு. அடிக்கடி கோவில்களுக்கு சென்று வழிபடுகிறார். நயன்தாராவுடன் காதல் முறிந்ததும் அவரிடம் மாறுதல் ஏற்பட்டு உள்ளது. சினிமாவில் முழுமையாக மூழ்கி உள்ளார்.

இயக்கம், நடிப்பு, நடனம் என சுழன்று பணியாற்றுகிறார். அத்துடன் விவாகரத்து செய்த முதல் மனைவி குழந்தைகளையும் மும்பைக்கு அழைத்து சென்று ஓய்வு நேரங்களை அவர்களுடன் செலவிடுகிறார். பொது விழாக்களில் பங்கேற்பதையும் தவிர்க்கிறார். பிரபுதேவாவின் ஆடை விஷயத்திலும் மாற்றம் தெரிகிறது.

எப்போதும் மஞ்சள் நிற சட்டையை அணிகிறார். பட விழாக்களுக்கும் இதே நிறத்திலேயே உடைகளை அணிந்து வருகிறார். இதுகுறித்து அவரிடம் கேட்டபோது, எனக்கு பிடித்த நிறம் மஞ்சள். ராசியான நிறமாகவும் அது இருக்கிறது. எனவேதான் அந்த நிறத்தில் ஆடைகள் அணிகிறேன் என்றார்.

பிரபுதேவாவின் ஜாதகத்துக்கு மஞ்சள் நிற ஆடைகள் அணிந்தால் வாழ்க்கை சிறப்பாக இருக்கும். சினிமாவில் இன்னும் சாதிக்கலாம் என்று ஜோதிடர் சொன்னதால் அந்த நிறத்தில் அணிவதாக கூறப்படுகிறது.