தொடாத காதல் கதை

ஹீரோவும் ஹீரோயினும் தொட்டுக் கொள்ளாத காதல் கதைகள் டி.ராஜேந்தரோடு முடிந்து விடவில்லை. இதோ இப்போது ஒருவர் தொட்டுக்கொள்ளாத காதல் கதையை படமாக எடுத்துக் கொண்டிருக்கிறார். ராஜசூரியன் என்பவர் இயக்கி தயாரித்து வரும் படம் நேசம் நெசப்படுதே. மணப்பாறை மாவட்டம் பொன்முச்சந்தி என்ற இடத்தில் இவர் ஒரு ஸ்ரீவிஷ்ணு கோவில் கட்டியிருக்கிறாராம். அந்த கோவிலை சுற்றி ஒரு காதல் கதை பின்னி அதையே படமாக எடுத்து வருகிறார். படத்திற்கு தூய தமிழில் பெயர் வைத்திருப்பதைபோலவே பாடல்களையும் ஆங்கில கலப்பில்லாமல் அவரே எழுதியிருக்கிறார். வேந்தன், அரசி என்ற புதுமுகங்கள் நடிக்கிறார்கள். “படத்தில் காதலர்கள் கடைசிவரை ஒருவரை ஒருவர் தொட்டுக் கொள்ள மாட்டார்கள். உண்மையான கிராமத்து காதலை நான்தான் படமாக எடுக்கிறேன். மூன்று பரிமாணங்களில் கதை சொல்கிறேன். சினிமாவில் தமிழ் வளர்ப்பதே என் நோக்கம்” என்கிறார் ராஜசூரியன்.

இன்னொரு டி.ஆரை சினிமா தாங்குமா….!!