ஏ.ஆர்.ரஹ்மானுடன் கைகோர்க்கிறார் வசந்தபாலன்

‘வெயில்’, ‘அங்காடித் தெரு’, ‘அரவான்’ உள்ளிட்ட படங்களை இயக்கிய வசந்தபாலன் அடுத்து ‘காவியத்தலைவன்’ என்ற பெயரில் புதிய படத்தை இயக்கப் போகிறார். இப்படத்தில் நாயகனாக சித்தார்த் நடிக்கிறார்.

‘அரவான்’ படத்துக்குப் பிறகு கடந்த ஏழெட்டு மாதங்களுக்குப் பிறகு இப்படத்தை இயக்கவிருக்கிறார். இப்படத்திற்கு தனது ‘அங்காடித்தெரு’ படத்திற்கு வசனம் எழுதிய ஜெயமோகன் இப்படத்திலும் வசனம் எழுதுகிறார். மற்ற தொழில்நுட்ப கலைஞர்களை உருவாக்கும் முயற்சியில் ஈடுபட்டு வருகிறார். ஏ.ஆர்.ரஹ்மான் இசையமைக்கிறார். முதல்முறையாக இப்படத்தின் மூலம் ஏ.ஆர்.ரஹ்மானுடன் இணைகிறார் வசந்தபாலன்.

ஏற்கெனவே ‘காவியத்தலைவன்’ என்ற பெயரில் விஜயகாந்த் ஒரு படம் நடித்துள்ளார். இப்போது அதே தலைப்பை தனது படத்துக்கும் பயன்படுத்தியிருக்கிறார் வசந்தபாலன்.