சினிமா வாய்ப்பு இல்லாததால் பியூட்டி பார்லர் திறந்த ‘காதல்’ சந்தியா

‘காதல்’ படத்தின் மூலம் தமிழ் சினிமா படத்தில் கதாநாயகியாக அறிமுகமானவர் சந்தியா. முதல் படத்திலேயே முன்னனி கதாநாயகி அளவுக்கு உயர்ந்தார். டிஷ்யூம், வல்லவன், கண்ணாமூச்சி ஏனடா, மகேஷ் சரண்யா மற்றும் பலர், கூடல் நகர், தூண்டில் உள்ளிட்ட பல படங்களில் நடித்தார்.

மலையாளம், தெலுங்கு, கன்னடம் படங்களிலும் நடித்துள்ளார். தமிழில் இரும்புக்கோட்டை முரட்டு சிங்கம் படத்துக்கு பிறகு அவருக்கு சரியான வாய்ப்புகள் அமையவில்லை. இதனால் அவர் சென்னையில் உள்ள வீட்டை காலி செய்துவிட்டு கேரளாவுக்கு சென்று குடியேறிவிட்டார். அங்கு மலையாள படங்களில் சிறுசிறு வேடங்களில் நடித்து வருகிறார்.

சினிமா வாய்ப்பு குறைந்ததால் நடிகை சந்தியா தனது வருமானத்துக்காக கேரளாவில் பல இடங்களில் பியூட்டி பார்லர்களை தொடங்கியுள்ளார். அங்கு ஏராளமான இளம் பெண்களை வேலைக்கு அமர்த்தியுள்ளார். மேலும் நடிகர்-நடிகைகளுக்கு பிரத்தியேகமான பியூட்டி பார்லரையும் முக்கிய இடங்களில் திறந்துள்ளார். அதை பராமரிக்க தனது தாயாரையே நியமித்துள்ளார்.

முடிந்தவரை இயற்கையான தன்மை கொண்ட அழகு சாதன பொருட்களை பயன் படுத்துவதால் சந்தியாவின் பியூட்டி பார்லருக்கு நாளுக்கு நாள் வாடிக்கையாளர்கள் கூட்டம் அதிகரித்து வருகிறது. இதனால் சந்தியாவுக்கு சினிமாவை விட பியூட்டி பார்லர் தொழிலில் அதிக வருமானம் கிடைக்கிறது