என் பழைய படங்களை ரீமேக் பண்ண விரும்பவில்லை.. அதற்கு நான் பொருந்தமாட்டேன் – கமல்

எனது பழைய படங்களை ரீமேக் செய்வதில் எனக்கு விருப்பமில்லை. அந்த வேடங்களுக்கு இனி நான் பொருத்தமாக இருக்கமாட்டேன், என்றார் கமல்ஹாஸன். 20 அல்லது 30 ஆண்டுகளுக்கு முன் வெளியான படங்கள் புத்தம் புதிய காப்பியாகவோ அல்லது ரீமேக் செய்யப்பட்டு வெளியாவதோ இப்போதைய ட்ரெண்டாகியுள்ளது. கமல்ஹாஸன் நடித்து வெளியான காலத்தால் மறக்க முடியாத பல படங்களை ரீமேக் செய்தால் என்ன என்ற எண்ணம் பலருக்கும் உள்ளது. இதுகுறித்து சமீபத்தில் கமல்ஹாஸனிடம் கேட்டபோது, “சத்மா, ஏக் துஜே கே லியே போன்ற படங்களை ரீமேக் செய்வது குறித்து பேசுவார்கள். ஆனால் அந்த வேடங்களுக்கு இனி நான் பொருத்தமாக இருக்க மாட்டேன். சத்மா (மூன்றாம் பிறை) படத்தின் இரண்டாம் பாகத்தை எடுக்கப் போவதாகக் கூறி என்னை அணுகினார்கள். படத்தில் ஹீரோயினுக்கு நினைவு திரும்பி மீண்டும் ஹீரோவைத் தேடி வருவது போல கதை. அந்தக் கதைக்கும் நான் பொருத்தமாக இருப்பேன் என்று தோன்றவில்லை. மேலும் அந்தப் படத்துக்கு சோகமான முடிவுதான் சரியாக இருந்தது. ஹீரோயின் திரும்ப வருவது போன்ற கதையமைப்பு எடுபடாது,” என்றார்.