சபரிமலை தலைவனுக்கு மங்களம் பாடல்

கார்த்திகை மாதம் முதல் விரதம் இருக்கும் அய்யப்ப பக்தர்கள் தினமும் இரவு பஜனை நடத்தி பாட்டுபாடுவது வழக்கம். பஜனையை முடிக்கும் போது மங்களம் பாடித்தான் முடிக்க வேண்டும் அந்த பாடல்....

சபரிமலை வாழும் எங்கள் தலைவனுக்கு மங்களம்.
தவமுனிவர் வணங்கும் அந்த சன்னதிக்கு மங்களம்.
இபமுகவன் முருகனின் இளையோனுக்கும் மங்களம்.
இன்பமெல்லாம் தந்தருளும் இறைவனுக்கு மங்களம்.
புலிமிசையே பவனிவரும் புனிதனுக்கு மங்களம்.
புவிமிசையே பவனிவரும் புனிதனுக்கு மங்களம்.
புவிமயங்கும் மோகினியாள் புதல்வனுக்கு மங்களம்.
பக்தி மலை ஏறுகின்ற பக்தருக்கு மங்களம்.
பகவான் நாமம் கூறுகின்ற அனைவருக்கும் மங்களம்.