மம்முட்டி, திலீப்புடன் நடனம் ஆடிய தனுஷ்

விஜய், சூர்யா படங்கள் சமீபகாலமாக மலையாளத்தில் வெற்றிகரமாக ஓடுகின்றன. தனுஷ் படங்களுக்கு மட்டும் அங்கு வரவேற்பு இல்லை. எனவே மலையாள ரசிகர்களை கவர்வதற்காக மம்முட்டி, திலீப்புடன் இணைந்து கம்மத் அன்ட் கம்மத் என்ற படம் மூலம் மலையாளத்தில் அறிமுகமாகியுள்ளார் தனுஷ்.

மம்முட்டியும் திலீப்பும் சகோதரர்கள். கேரளாவில் அவர்கள் ஓட்டல் நடத்துகின்றனர். புதிதாக கட்டி உள்ள ஓட்டலை தனுசை அழைத்து வந்து திறந்து வைப்பதுபோல் இக்காட்சி இடம் பெற்றுள்ளது. இதில் நாயகியாக கார்த்திகா, ரீமா கல்லிங்கல் நடித்துள்ளனர். படப்பிடிப்பு முடிந்த பிறகு தனுஷ் நடன காட்சியொன்றை சேர்க்க படக்குழுவினர் விரும்பினர்.

இதற்காக ரூ.50 லட்சம் செலவில் அரங்கு அமைத்தனர். அதில் படத்தில் நடிக்கும் மம்முட்டி, திலீப், தனுஷ், ரீமா கல்லிங்கல், கார்த்திகா ஆகியோர் இணைந்து நடனம் ஆடுவதுபோல் காட்சியை படமாக்கினர். இந்த படம் இன்று கேரளாவில் ரிலீசானது. இதன் மூலம் கேரள ரசிகர்களிடம் அறிமுகம் கிடைக்கும் என்பதால் தனது அடுத்த படங்களை அங்கு ரிலீஸ் செய்யும் முடிவில் இருக்கிறார் தனுஷ்.