நகைச்சுவை கலாட்டா

இமயம் தொலைக்காட்சியில் ஒளிபரப்பாகும் ஒரு முழுமையான பொழுதுபோக்கு நிகழ்ச்சி, ஜஸ்ட் பார் ஜாலி பொது மக்கள் அதிகமாக இருக்கும் இடங்களில் நேரடியாக சென்று நகைச்சுவை கலாட்டா செய்யும் ஒரு ஜாலியான நிகழ்ச்சி இது. பொதுமக்களை பாதிக்காத வகையில் அதேசமயம் பொழுதுபோக்காக கலாட்டா செய்யும் மாறுபட்ட நிகழ்ச்சியாகவும் இது உருவாக்கப்பட்டிருக்கிறது. இந்த நிகழ்ச்சியை வினோத் தொகுத்து வழங்குகிறார். மொத்தம் மூன்று சுற்றாக நடக்கும் இந்த நிகழ்ச்சியில் முதல் சுற்று, நாக்கு பிறழாமல் பேச வேண்டும். இரண்டாவது சுற்று விளையாட்டு சுற்று. மூன்றாவது சுற்றாக மக்கள் அன்றாடம் பயன்படுத்தும் ஆங்கில சொல்லிற்கு இணையான தமிழ் சொல்லை கூற வேண்டும். இந்நிகழ்ச்சியின் நடுவே கலாட்டாவாக நகைச்சுவை நடிகர்களின் லொள்ளான வசனங்களும் இசைகளும் பயன்படுத்தப்படும். விரைவில் 50-வது வாரத்தை நெருங்கி கொண்டு இருக்கும் இந்த நிகழ்ச்சியை ஞாயிறு தோறும் மாலை 5.30 மணிக்கு இமயம் தொலைக்காட்சியில் காணலாம்.