முரட்டுக்காளை ரஜினி மாதிரி 4 தம்பிகளுக்கு அண்ணனாகும் அஜீத்

சென்னை: சிறுத்தை பட இயக்குனர் சிவா எடுக்கும் படத்தில் அஜீத்துக்கு 4 தம்பிகளாம். முரட்டுக்காளையில் சூப்பர் ஸ்டார் ரஜினியின் கதாபாத்திரம் நினைவுக்கு வருகிறதா? அஜீத் குமார் விஷ்ணுவர்தன் படத்தை முடித்துவிட்டு சிறுத்தை பட இயக்குனர் சிவா இயக்கத்தில் ஒரு படத்தில் நடிக்கிறார். இந்த படத்தில் அஜீத் குமாருக்கு 4 தம்பிகளாம். பாசமான அண்ணனாக வருகிறாராம் அஜீத். அவருக்கு தம்பியாக மைனா புகழ் விதார்த், முனிஷ், பாலா மற்றும் சொஹைல் ஆகியோர் நடிக்கின்றனர். முரட்டுக்காளை படத்தில் சூப்பர் ஸ்டார் ரஜினிகாந்தும் 4 தம்பிகள் மீது பாசமுள்ள அண்ணனாக நடித்திருப்பார் என்பது குறிப்பிடத்தக்கது. படத்தில் சென்டிமென்ட் காட்சிகளுக்கு குறைவிருக்காது என்று கூறலாம். இந்த படம் ஹைதராபாத் மற்றும் ராஜமுந்திரியில் படமாக்கப்படுகிறது. எல்லாம் இருக்கட்டும் விஷ்ணுவர்தன் படத்திற்கு இன்னும் தலைப்பை அறிவித்தபாடில்லையே.