சந்தானத்துக்கு ஜோடியாகும் பிரபல பாலிவுட் நடிகை!

‘கண்ணா லட்டு தின்ன ஆசையா’ படத்தை தயாரித்து, நடித்து வெற்றியடைந்த சந்தானம், தற்போது மீண்டும் ஒரு படத்தை தயாரித்து நடிக்க உள்ளார். அந்த படத்தில் சந்தானத்துக்கு ஜோடியாக பிரபல பாலிவுட் நடிகை கீதா பஸ்ரா நடிக்கிறார்.

தெலுங்கில் ராஜமௌலி இயக்கிய ‘மரியாதை ராமண்ணா’ படம் தமிழில் ரீமேக் ஆகிறது. இந்த படத்தைதான் சந்தானம் பி.வி.பி. நிறுவனத்துடன் இணைந்து தயாரித்து, நடிக்கவும் செய்கிறார். இப்படம் இந்தியில் ‘சன் ஆப் சர்தார்’ என்ற பெயரில் ரீமேக் ஆகி பெரும் வெற்றி பெற்றது. தமிழில் ஸ்ரீநாத் இயக்குகிறார். பவர் ஸ்டாரும் ஒரு கேரக்டரில் நடிக்கிறார்.

இதில் சந்தானத்துக்கு ஜோடியாக லண்டனைச் சேர்ந்த இந்திய வம்சாவழி நடிகையான கீதா பஸ்ரா அறிமுகமாகிறார். இவர் ஒளிப்பதிவாளர் ராஜீவ்மேனன் எடுத்த ஜீவல்லரி விளம்பரத்தில் நடித்திருக்கிறார். தெலுங்கிலும் இவருக்கு வாய்ப்புகள் வந்த வண்ணம் உள்ளன.

இந்த நிலையில் தமிழ் படத்தில் முதல்முறையாக அறிமுகமாகும் இவர், இதுகுறித்து மேலும் கூறும்போது, தென்னிந்திய மொழிப்படம் ஒன்றில் எனக்கு வாய்ப்பு வந்துள்ளது. சந்தானம் தமிழில் பிரபல காமெடியனாக இருக்கிறார். இந்த படத்தில் அவருக்கு ஜோடியாக நடிக்க வாய்ப்பு கிடைத்தது மகிழ்ச்சியாக இருக்கிறது என கூறினார்.

தற்போதும் லண்டனில் இருக்கும் கீதா பாஸ்ரா சந்தானத்தை பார்க்க விரைவில் சென்னை வர இருக்கிறாராம்.