தமிழில் அயர்ன்மேன்-3! 200 தியேட்டரில் ரிலீஸ்

புகழ்பெற்ற அயர்மேன் காமிக்ஸ் புத்தகங்கள் 1968ம் ஆண்டுகளில் இருந்து புகழ்பெறத் துவங்கியது. “தி இன்விசிபிள் அயன்மேன்” காமிக்ஸ் உலக புகழ் பெற்றது. அதிலிருந்து அயர்ன்மேன் கதாபாத்திரத்தை கொண்டு திரைப்படங்கள் தயாரிக்கப்பட்டது. இதுவரை இரண்டு பாகங்கள் வெளிவந்து வெற்றி பெற்றிருக்கிறது. இந்த கதையின் தயாரிப்புச் செலவு மிகவும் அதிகம் என்பதால் ஹாலிவுட் தயாரிப்பாளர்களே இதனை தயாரிக்க யோசித்தார்கள்.

தற்போது “அயர்ன்மேன்” படத்தின் மூன்றாவது பாகம் வெளிவர இருக்கிறது. ரோபர்ட் டொவ்வனி அயர்ன்மேனாக நடிக்கிறார். கெய்னித் பல்ட்ரோவ், டான் சாட்லே உள்பட பலர் நடிக்கிறார்கள். ஷானே பிளாக் இயக்கி உள்ளார். இந்தப் படம் உலகம் முழுவதும் மே 3ந் தேதி வெளிவருகிறது. அதற்கு ஒரு வாரத்திற்கு முன்பாக ஏப்ரல் 26ந் தேதியே இந்தியாவில் ரிலீசாகிறது. யுடிவி மோசன் பிக்சர்ஸ் இந்திய உரிமையை பெற்றுள்ளது. தமிழில் டப் செய்து 200 தியேட்டர்களில் வெளியிடுகிறார்கள்.