மீண்டும் வரும் தீக்ஷா சேத்

சென்னை-: விக்ரம் நடித்த ‘ராஜபாட்டை படத்தின் மூலம் தமிழில் அறிமுகமானவர் தீக்ஷா சேத். அதன்பிறகு எதிர்பார்த்த வாய்ப்பு கிடைக்காததால் தெலுங்கு பக்கம் கவனம் செலுத்தி வந்தார். தெலுங்கில் அவர் நடித்த படம் ‘வான்டட். கோபிசந்த் ஹீரோ. ரவி டைரக்ஷன். இப்படம் தமிழில் ‘வேங்கை புலி என்ற பெயரில் மொழிமாற்றம் ஆகிறது.
வசதியான குடும்பத்தை சேர்ந்த கோபிசந்த் தீக்ஷாவை சந்திக்கிறார். அவரிடம் தன் காதலை வெளிப்படுத்துகிறார்.

அதை ஏற்க மறுக்கிறார் தீக்ஷா. ‘காதலுக்காக உயிரைவிடவும் தயார்Õ என்று கோபி கூறுகிறார். அதற்கு தீக்ஷா, ‘உயிரை விட வேண்டாம் 3 பேரின் உயிரை எடுக்க வேண்டும்‘ என்கிறார். அதைக்கேட்டு அதிர்ச்சி அடைகிறார் கோபி. காதலுக்காக 3 பேரை கொல்கிறார். எதற்காக அவர்களை தீக்ஷா கொல்லச்சொன்னார் என்பதை படம் விளக்கும். இதில் பிரகாஷ்ராஜ், நாசர் உள்ளிட்டோரும் நடித்துள்ளனர். சக்ரி இசை. எஸ்ஜிஆர் பிரசாத், வேல்முருகன் தயாரிப்பு.