மாயாவதி கட்சி முக்கிய பிரமுகர் டெல்லியில் சுட்டுக்கொலை

பகுஜன் சமாஜ் கட்சி சார்பில் கடந்த 2009-ம் ஆண்டு எம்.பி. தேர்தலில் போட்டியிட்டு தோல்வியை தழுவியவர் தீபக் பரத்வாஜ்.

அப்போது போட்டியிட்ட வேட்பாளர்களில் மிகவும் பணக்காரர் என்று பேசப்பட்ட இவரது அன்றைய சொத்து மதிப்பு ரூ.600 கோடி ஆகும். இவருக்கு சொந்தமான பண்ணை வீடு தெற்கு டெல்லியில் உள்ள ராஜோக்ரி பகுதியில் உள்ளது.

இன்று காலை 9 மணியளவில் இந்த பண்ணை வீட்டிற்கு சொகுசு காரில் வந்த 2 பேர் தீபக் பரத்வாஜை துப்பாக்கியால் சுட்டுக் கொன்றனர்.

மாயாவதியின் ஆதரவாளரும், பிரபல மது ஆலை உரிமையாளருமான பாண்டி சத்தா இதே பாணியில் சில மாதங்களுக்கு முன்னர் டெல்லி பண்ணை வீட்டில் சுட்டுக் கொல்லப்பட்ட பரபரப்பு அடங்கும் முன்னர், இன்று தீபக் பரத்வாஜ் மர்ம நபர்களால் கொல்லப்பட்ட சம்பவம் டெல்லிவாசிகளை அதிர்ச்சிக்குள்ளாக்கியுள்ளது.