"கோச்சடையான்' படப்பிடிப்பு: 21-ல் ரஜினி லண்டன் பயணம்

சென்னை, மார்ச் 11: "கோச்சடையான்' படப்பிடிப்புக்காக நடிகர் ரஜினிகாந்த் மார்ச் 21-ம் தேதி லண்டன் செல்கிறார்.

"எந்திரன்' படத்தையடுத்து ரஜினிகாந்த் நடிக்கும் புதிய படம் "கோச்சடையான்'. 3-டி தொழில்நுட்பத்தில் உருவாகும் இந்தப் படம் தமிழ், தெலுங்கு, ஹிந்தி மொழிகளில் தயாராகிறது.

ரஜினிகாந்த், சரத்குமார், ஜாக்கி ஷெராஃப், தீபிகா படுகோன், ருக்மிணி, ஷோபனா உள்ளிட்ட பலர் நடிக்கும் இந்தப் படத்தின் முதல் கட்டப் படப்பிடிப்பு லண்டனில் நடைபெறுகிறது. இதற்காக ரஜினிகாந்த் மார்ச் 21-ம் தேதி லண்டனுக்கு செல்கிறார்.

படப்பிடிப்புக்காக லண்டனில் உள்ள மூன்று பிரபல ஸ்டுடியோக்களில் பிரமாண்ட செட்டுகள் அமைக்கப்பட்டுள்ளன.

அங்கு தொடர்ந்து மூன்று வாரங்களுக்கு படப்பிடிப்பு நடைபெறுகிறது. அதையடுத்து மைசூர், பெங்களூரில் இடங்களில் படப்பிடிப்பு நடைபெறவுள்ளது.

கடந்த ஆண்டு, ரஜினி நடிக்கவிருந்த "ராணா' திரைப்படம் அவருடைய உடல்நலக் குறைவால் தள்ளி வைக்கப்பட்டது. உடல் நலம் தேறிய பிறகு "ராணா' தொடங்கப்படும் என்று எதிர்பார்க்கப்பட்ட சூழ்நிலையில் "கோச்சடையான்' பட அறிவிப்பு வெளியானது.

ரஜினியின் இளைய மகள் செüந்தர்யா இயக்கும் இந்தப் படத்தை ஆச்சர் பிக்சர்ஸýம், ஈராஸ் இன்டர்நேஷனல் நிறுவனமும் இணைந்து தயாரிக்கின்றன.

கோச்சடையான் ரணதீரன் என்ற பாண்டிய மன்னனைப் பற்றிய இந்தப் படத்தின் கதை, திரைக்கதைக்கு இயக்குநர் கே.எஸ்.ரவிகுமார் பொறுப்பேற்றுள்ளார். ராஜீவ் மேனன் ஒளிப்பதிவு செய்கிறார். வைரமுத்து பாடல்களை எழுதுகிறார். ஏ.ஆர்.ரஹ்மான் இசையமைக்கிறார்.