பில்லா 2 வெளியீடு தள்ளிப்போகிறது

தமிழ் திரைப்பட தொழிலாளர்களின் வேலை நிறுத்தம் காரணமாக படப்பிடிப்பு நடக்காததால், வெளியீடு தள்ளிப்போன படங்களின் வரிசையில் தற்போது பில்லா 2வும் இடம்பெற்றுள்ளது.

முதலில் மே 1ம் தேதி அஜித் பிறந்த நாள் அன்று திரையிட திட்டமிட்டிருந்து பிறகு ஏப்ரல் 27ம் தேதியே வெளியிடுவது என்று முடிவெடுக்கப்பட்ட அறிவிக்கப்பட்டது.

ஆனால், படப்பிடிப்பு தள்ளிப்போனதாலும், இன்னும் போஸ்ட் புரட்க்ஷன் வேலைகள் முடிவடையாததாலும் படத்தை மே இரண்டாம் வாரத்தில் தான் வெளியிட முடியும் என்று படத்தின் தயாரிப்பாளர் சுனில் கேதர்பால் தனது பிளாகில் கூறியுள்ளார்.

மார்ச் மாத இறுதியில்தான் படப்பிடிப்பு வேலைகள் முடிந்து ஏப்ரல் 2ம் வாரத்தில் இசை வெளியீடு நடைபெறும் என்றும் அவர் குறிப்பிட்டுள்ளார்.

மங்காத்தா வெற்றிப் படத்தைத் தொடர்ந்து அடுத்த படத்தை அஜித் ரசிகர்கள் ஆர்வத்துடன் எதிர்பார்த்துக் கொண்டிருக்கின்றனர்.