மாஸ்கோவில் கடும் பனிப்பொழிவு

ரஷிய தலைநகர் மாஸ்கோவில் கடந்த 2 நாட்களாக கடுமையாக பனிப்பொழிந்தது. சாலைகளில் 35 சென்டி மீட்டர் அளவிற்கு பனி கொட்டிக்கிடந்தது. இதனால் போக்குவரத்தும், பொதுமக்கள் இயல்பு வாழ்க்கையும் பாதிக்கப்பட்டது. இந்த பனிக்கட்டிகளை அகற்ற துரித நடவடிக்கை எடுத்து வருவதாகவும், இதற்காக 15 ஆயிரம் வாகனம், 36 ஆயிரம் ஊழியர்கள் தயார் நிலையில் இருப்பதாகவும் நகர துணை மேயர் பிர்யூகோவ் தெரிவித்தார்.