தாயம் தாயம் தாயம்

தத்துவஞானி "மகாத்ரியா தி வாய்ஸ் ரா" என்று அழைக்கப்படும் டி.டி. ரங்கராஜன், ஆங்கிலத்தில் எழுதிய "அன்போஸ்டட் லெட்டர்" என்ற நூலை "தாயம்" என்ற பெயரில் தமிழாக்கம் செய்துள்ளார், நாகலட்சுமி சண்முகம். வாழ்க்கையில் ஒவ்வொரு மனிதனும் உயர வேண்டுமென்றால், அவன் எந்தெந்த பாதைகளை கடந்து செல்ல வேண்டும்? எதையுமே பிரச்சினைகளாக நினைத்துக்கொண்டு முட்டி, மோதிக்கொண்டிருப்பதற்கு பதிலாக, அதற்கு என்ன தீர்வு? என்பதை ஒவ்வொருவரின் நெஞ்சிலும் பதிய வைக்க பல நல்முத்துக்களை கொடுத்திருக்கும் நூல்தான் இது.

இந்த நூலை படித்தால், வாழ்க்கையின் தத்துவமே புரிந்துவிடும். நூலின் அட்டையில் குறிப்பிடப்பட்டுள்ள "வெற்றி பெரிய பெரிய விஷயங்களில் இருக்கிறது. மகிழ்ச்சி சின்ன சின்ன விஷயங்களில் இருக்கிறது. தியானம் வெறுமையில் இருக்கிறது. கடவுள் எல்லாவற்றிலும் இருக்கிறார். அதுதான் வாழ்க்கை" என்ற ஒரு தத்துவமே இந்த நூலின் மேன்மைக்கு எடுத்துக்காட்டாகும். வாழ்க்கையை முழுமையாக புரிந்து கொள்ள, வாழ்க்கை பயணத்தை மகிழ்ச்சியுடன் மேற்கொள்ள எல்லோரும் படிக்க வேண்டிய நூல்தான் "தாயம்".