சிறைக்கைதிகளுக்கு நண்பன் படம்

இளையதளபதி விஜய் நடித்து வெற்றிகரமாக ஓடிய நண்பன் படத்தை சேலம் சிறைச்சாலையில் உள்ள கைதிகளுக்கு திரையிட்டுள்ளனர் சிறை அதிகாரிகள். கடந்த ஞாயிறன்று சிறையில் உள்ள அனைத்துக் கைதிகளும் நண்பன் படத்தைப் பார்த்து ரசித்துள்ளனர்.

இது ஒரு முன்னோட்ட நடவடிக்கை தான் என்றும், விரைவில் அனைத்து தமிழக சிறைச்சாலைகளிலும், நல்ல பொழுதுபோக்கு அம்சம் கொண்ட படங்களை தேர்வு செய்து ஒளிபரப்ப தமிழக அரசு திட்டமிட்டுள்ளது என்றும் கூறப்படுகிறது.

குடும்பத்துடன் சென்று பார்க்கும் வகையிலான படத்தை தேர்வு செய்யும் போது சமீபத்தில் வெளியான நண்பன் படம் முதல் இடத்தில் இருந்தது. மேலும், ஜனவரி மாதம் ரிலீஸ் ஆகி தற்போது வரை திரையரங்குகளில் ஓடிக் கொண்டிருப்பதால் அப்படத்தை தேர்வு செய்தோம் என்கிறது சிறை நிர்வாகம்.