சிலம்புச் செல்வர் பார்வையில் நாமக்கல் கவிஞர்

நாமக்கல் கவிஞர் வெ.ராமலிங்கம் பிள்ளை, ‘‘காந்தீய கவிஞர்’’ என்று புகழ் பெற்றவர். சிறந்த ஓவியர். கதைகள் எழுதுவதில் வல்லவர். (எம்.ஜி.ஆர் – பானுமதி நடித்த ‘‘மலைக்கள்ளன்’’ திரைப்படம், அவர் எழுதிய கதைதான்.)

நாமக்கல் கவிஞர் மீது மிகுந்த அன்பு கொண்டிருந்த ‘‘சிலம்புச் செல்வர்’’ ம.பொ.சிவஞானம், ‘‘எனது பார்வையில் நாமக்கல் கவிஞர்’’ என்ற நூலை எழுதினார். இப்போது அந்த நூல் நவீன வடிவமைப்பில் வெளிவந்துள்ளது.

தமிழகத்தின் எல்லைகளைக்காக்க, ம.பொ.சி. ‘‘எல்லைப் போராட்டம்’’ நடத்தியது பற்றியும், அதனால் காங்கிரசில் இருந்து அவர் நீக்கப்பட்டது பற்றியும் இந்த நூல் விவரிக்கிறது. காங்கிரசுக்காக அரும்பாடுபட்ட ம.பொ.சி. கட்சியை விட்டு நீக்கப்பட்டது குறித்து மனம் வருந்தி, நாமக்கல் கவிஞர் எழுதிய கடிதங்களும் இந்நூலில் இடம் பெற்றுள்ளன.

சிறு நூல் என்றாலும், முக்கிய நூல்.